Tinan 15 Referendum 30 Augustu 1999:
Hadi'a Administrasaun Eleitoral ho Hamosu Prosperidade
Atu Too Objetivu Self Determination

Joao M. SALDANHA
Fundador, Timor Institute of Development Studies,
Becora, Dili


30 Augustu 2014, ita selebra tinan sanulu resin lima referendum Timor Lorosae. Besik 79% Timor oan sira nebe vota, hili atu hafahe an hosi Indonesia ho sai nasaun independenti. Resultadu prosesu eleitoral nebe administra hosi Nasaun Unida (United Nations) née hamosu oportunidade politiku foun ida ba Timor oan sira atu komesa prosesu hari nasaun foun. Ohin loron Timor Lorosae sai nasaun soberanu ho naran Ofisial Republica Democratica de Timor-Leste (RDTL) koinesidu ho naran Portugues Timor-Leste.

Referendum née hamosu mos episodiu politiku importante ida ba Timor oan tomak. Sira desidi sira nia destinu politiku rasik (self determination) liu hosi kaixa eleitoral iha fatin sira namkari iha Timor laran tomak ho mos iha mundu tomak. Née mak esensi desidi destinu rasik tuir vontade popular.

Iha kontestu nasional nebe demokratiku, desidi destinu rasik liu hosi prosesu eleitoral nebe fair, mos (clean), ho segredu, dok hosi intimidasaun, money politics (sosa votu ho osan ka material), ho nauk votu hosi partidu ida tau fali ba partidu seluk. Katak eleisaun née reflete duni povu nia preferensia ba se se deit (partidu ka individu) maka atu kaer poder. La os eleisaun nebe manipuladu. Prosesu eleisaun iha nasaun RDTL nebe demokratiku sei lao regular too rohan laek. Tanba née se iha eleisaun dahuluk sira nebe lalos, tenki iha esforsu nasional tomak atu hadia nafatin sistema née atu eleisaun sira tuir mai diak liu ho resultadu nebe reflete duni povu nia hakarak tuir konseitu self determination.

Iha kontestu nasaun demokratiku, ita husu relevansia self determination née saida? Relevansia maka povu hili nia lider sira tuir konviksaun rasik tanba sira fiar katak hosi eleisaun sei hamosu lider sira nebe sei servisu makaas atu hadia sira nia moris (prosperidade). Tanba née, esensia self determination maka iha eleisaun regular justu (fair), mos, ho segredu atu hili nai ulun sira atu ajuda hadia sira nia moris (prosperidade) ho halakon kiak.

Artigu ida née diskuti fator eleitoral hanesan instrumentu atu hamosu prosperidade ba povu Timor-Leste hanesan reflesaun ida ba komemorasaun loron istoriku 30 Augustu 1999 mesmu ke Estadu Timor-Leste la fo importansia bot ba loron ida née kompara ho loron selu-seluk. Ita sei taka artigu née ho suggestaun ba reforma iha birokrasia liliu orsamentu estadu atu kontrola destinu dezenvolvimentu nasional ho objetivu hamosu prosperidade ba povu Timor-Leste.


Eleisaun hanesan instrumentu prosesu self determination

Hosi 1999 too 2014, Timor-Leste halao tiha ona eleisaun dala hitu, ne mak Eleisaun Assembleia Konstituente (2001) nebe nakfilak an deit ba Parlamentu Nasional (legislatura dahuluk),  Eleisaun Presidenti (2002, 2007, ho 2012), Eleisaun Suku, ho Eleisaun Parlamentar (2007 ho 2012). Determinante eleisaun nasional sira née mak Eleisaun Parlamentar tanba hosi resultadu Eleisaun Parlamentar maka hahoris Governu atu ukun hodi halao programa ba prosperidade povu nia. Eleisaun Presidensial mesmu ke importante, Presidente iha regime semi-presidensial Timor-Leste sai hanesan simbolu nasional ho garante estabilidade ho soberania nasional deit. La iha kompetensia atu halu programa hadia povu nia moris. Eleisaun ba Xefi Suku sira mos importante, maibe atu hili deit lider komunitariu ho kbit limitadu tanba la iha orsamentu rasik liliu reseita suku rasik.

Tempu too ona ba estadu Timor-Leste tetu atu halibur hotu Timor oan sira nebe sai sidadaun ho hakarak sai sidadaun atu tuir eleisaun geral. Too tinan 2012, Timor oan sira nebe tuir eleisaun dala hitu née mak Timor oan sira nebe hela iha Timor laran deit. Maibe sira nebe hela iha liur hanesan Australia, Indonesia, Portugal, Macau, ho rai seluk tan la tuir tanba razaun logistika ho politika. Logistika tanba dehan atu organiza sei han tempu ho orsamentu la too. Maibe fator rua née la os argumentu forte tanba eleisaun regular lolos iha tempo naton atu organiza iha rai laran ho iha liur. Orsamentu mos la os problema tanba estadu Timor-Leste iha osan too ho restu atu involve Timor oan sira iha diaspora partisipa iha eleisaun liliu eleisaun Presidensial ho Eleisaun Parlamentar. Eleisaun Suku la presiza tanba la iha duni suku iha liur mas se hakarak ita mos bele forma komunidade oi oin iha rai liur atu hili sira nia lider lokal sira.

Fator politika maka dominante karik tanba Timor oan sira iha rai liur liliu sira nebe hela iha Indonesia sei vota problematiku liu. Balu keta lakohi tan vota tanba iha opsaun politika seluk ho Lei Indonesia nia nebe la fo dalam ba dupla nasionalidade. Maibe ita bele koko tanba ohin loron deslokasaun Timor oan sira nebe hela iha Timor ba Indonesia mos bot ho sira nebe hela iha Indonesia mai Timor mos bot. La os deit komunidade sira, maibe relasaun bilateral entre Timor ho Indonesia ohin loron diak tebe-tebes iha governu SBY nian ho mos Governu dahuluk sira hanesan Gus Dur ho Megawati Soekarnoputri. Ita mos bele dehan iha Governu Jokowi ninia mos, relasaun Timor-Leste ho Indonesia sei diak nafatin ho sei forti liu tan. Ohin loron, estudante Timor oan iha Indonesia barak liu duke tempu okupasaun Indonesia ho Indonesia sira nebe servisu iha Timor mos barak, menus TNI ho POLRI. Tanba née, tempu too ona atu fo mos oportunidade ba Timor oan sira nebe hela iha rai liur inklui mos sira iha Indonesia atu partisipa iha eleisaun iha Timor-Leste nia bainhira sira hanesan sidadaun Timor nia.

Administrasaun eleitoral tenki rigorozu liu tan. Mesmu ita nia prosesu hetan rekoinesimentu diak hosi rai liur maibe ita hare didiak sei iha aspetu barak mak impata prosesu hamosu eleisaun ida nebe reflete duni self determination née. Eleisaun 2012 husik hela impresaun barak. Iha alegasaun money politics, kaixa votu nebe fila hikas ba iha publiku (la os segredu) atu influensia ema nia votu (pela menus iha Kuluhun, Dili) ho fatin barak tan iha Timor laran tomak tanba razaun sosa votu ka money politics, STAE nebe iha Ministeriu Estatal nia okos nebe hamosu deskonfiansa imparsial ka benefisia ba partidu nebe iha poder, liliu raut votu hosi partidu ida ka rua ka liu nia tau fali ba partidu seluk. Deskonfiansa née bot liu tan bainhira Diretor Geral STAE sai Membru Governu nebe forma depois de eleisaun ramata. Tanba née presiza prosesu eleitoral, administrasaun eleitoral, ho monitorizasaun eleitoral nebe rigorozu liu tan atu hamenus money politics, intimidasaun, ho manipulasaun votu nia. Komisaun Nasional Eleisaun (CNE) halao duni nia knar atu kria kondisaun imparsial ho reforsa tan hosi observador nasional ho internasional sira. Maibe prosesu observasaun sira née la borus ho deskonfiansa parsialidade prosesu eleitoral née mosu nafatin liliu ba STAE.

Ita mos presiza kria kondisaun atu partisipante prosesu eleitoral liliu iha Eleisaun Parlamentar sai hanesan (same level playing field) atu hamosu Parlamentu ho Governu foun nebe reflete duni self determination povu Timor-Leste nia. Aspetu sira née inklui uza birokrasia, media estadu, liliu orsamentu estadu ba benefisia partidu sira nebe iha poder ka iha Parlamentu Nasional deit. CNE iha eleisaun liu ba proibi katak la iha fasilidade estadu inklui kareta uza ba kampaine. Maibe depois de eleisaun ita hatene katak iha ema balu mak uza fasilidade estadu ba duni kampaine eleitoral. Media estadu, liliu TVTL durante kampaine fo duni oportunidade ba partidu ka koligasaun partidu hotu maibe kobertura ba partidu kiik sira liliu sira nebe la representa iha Parlamentu Nasional antes kampaine difisil tebes. Konvite ba sira sempre dehan ema la iha ho tempu la iha mas ba partidu sira nebe iha poder tempu ho ema iha hela deit. Tanba nee kobertura laos tempo eleisaun eleisaun deit mas sira nia konsolidasaun mos hetan nafatin kobertura kompara ho partidu sira nebe la iha representasaun iha Parlamentu Nasional.

Pergunta bot liu mak kriteria orsamentu estadu ba partidu politika sira. Iha Eleisaun Presidensial ho Eleisaun Parlamentar iha subsidiu ba kandidatu sira (Eleisaun Presidensial) ho ba partidu politika ka koligasaun partidu politika sira (Eleisaun Parlamentar) maibe kriteria la klaru ho número ida nebe kiik tebes. Nunee la fo benefisia ba kontestante politika sira atu kompete lolos. Barak mak dehan liliu iha Eleisaun Parlamentar 2012 katak partidu balu simu tiha osan depois la halu kampaine. Barak mak hari partidu atu hetan subsidiu osan Estadu nia deit la os atu kompete duni iha eleisaun. Se iha evidensia hanesan née, partidu ka koligasaun partidu née mak tenki hetan kastigu la os partidu hotu hetan kastigu. Partidu sira nebe hari ho objetivu atu hetan subsidiu osan Estadu deit tenki hetan sansaun tanba hahalok ida née mos halu parte korupsaun tanba uza sala osan Estadu nia ba interese privadu. Tanba née CNE ho STAE presiza fiskaliza didiak prosesu eleitoral atu hahalok korupsaun sira hanesan née lori ba tribunal atu hetan julgamentu. La os kastigu partidu/koligasaun partidu hotu ho subsidiu nebe minimu.

Bainhira ita hare ba iha subvensaun ba partidu sira nebe iha Parlamentu Nasional número née bot tebes ho sae ba bebeik. Iha Orsamentu Estadu 2013, subvensaun née hamutuk tokon nen ($6 juta). Née signifika katak kadeira ida iha Parlamentu Nasional vale ba $92,308. Bainhira Partidu ida iha Parlamentu Nasional iha Deputadu nain sanulu deit, subvensaun ba partidu ida née besik dollar juta ida (ka $923,080) ba tinan ida deit. Tinan 2014, subvensaun née sae ba iha dolar tokon 15 ($15 juta) signifika katak kadeira ida sei vale ba $230,769 (dolar rihun atus rua tolunulu resin). Imagina took partidu ida ho kadeira 30 hanesan CNRT nia subvensaun sei besik tokon hitu ($7 juta ka $6,923,076) ba tinan ida deit (2014). Ita husu ba ita nian aan, kriteria saida maka uza atu fo subvensaun ida nebe makas tebes hanesan née? Desizaun sira née halu tanba deit sira mak iha poder atu halu desizaun. Ita hatene ho komprende katak partidu sira iha Parlamentu Nasional tenki hetan subvensaun tinan-tinan. Maibe subvensaun ida ho número esesivu hanesan née la os ona subvensaun tuir nesesidade maibe atu haforti sira nia an ho hamate partidu sira seluk, liliu sira nebe la iha representasaun iha Parlamentu Nasional. Hare tuir resultadu Eleisaun Parlamentar 2012, Partidu sira nebe la tama iha Parlamentu Nasional ninia votu hamutuk besik 22% total votante (besik 100,000 votu). Ida née mos ho ona manipulasaun oi-oin iha prosesu kontagem votu, liliu iha STAE. Se bele loke fali kaixa votus, ita sei hatene lolos. Ida née atu hatene deit hodi hadia prosesu eleitoral aban bainrua. La os atu influensia fali governasaun agora tanba Eleisaun 2017 besik ona.

Ita fila fali ba iha subvensaun ba partidu sira iha Parlamentu Nasional tenki iha kriteria klaru atu labele hamosu kondisaun sira nebe ita temi iha leten née ka kria kondisaun imbalansu (not the same level playing field) ba partidu ho koligasaun partidu sira. Perigu ida ba esesaun alokasaun orsamentu subvensaun hanesan née atu hamate partidu barak nebe kontraria espiritu Konstitutisaun RDTL nebe fo mahon ba iha multipartidarismu ho demokrasia representasaun proporsional.

Prosperidade Hanesan Objetivu Self Determination

Hamosu prosperidade ka moris diak povu nia hanesan objetivu eternal nasaun demokratiku sira hotu. Nasaun demokratiku hotu buka halu formula oi oin atu kaptura preferensia povu nia liu hosi desain, administrasaun, ho monitorizasuan eleisaun nebe diak atu hamosu resultadu ho  lider sira nebe iha komitment, kompetensia, ho dedikasaun ba moris diak povu nia. Tanba née maka moris diak ka prosperidade sai hanesan objetivu prinsipal nasaun demokratiku sira hotu iha mundu tomak.

Timor-Leste nia eleisaun dala hitu née produs ona resultadu lider sira dominante hosi resistensia. Ida née hanesan faktu real ida ke nasaun foin hari sira tenki simu ho hakuak. Se la iha resistensia la iha nasaun. Adagium ida née universal ba nasaun nebe deit tanba istoria tenki konta, tenki valoriza, ho tenki rekompensa. Tanba née, todan (bobot) hanoin moris diak iha kampaine eleitoral hanesan programa atu hadia povu nia moris seidauk hetan proporsaun naton hodi hili lider sira. Situasaun euforia sai hosi nakukun, sofrimentu, ho atualizasaun an dominante iha prosesu eleitoral iha eleisaun sira liu ba née. Maibe hosi tempu ba tempu, moris nasaun demokratiku nia elementu moris diak (prosperidade) sei hetan proporsaun neneik mas bebeik, ho sai bot iha eleisaun demokratiku sira nebe sei tuir mai. Hosi resultadu Eleisaun Parlamentar 2007 nebe hamosu lider Parlamentu ho Governu nebe dominante hosi resistensia. Karik ida née tanba, Timor-Leste sei atravesa hela krizi politika militar 2006 nebe konsege resolve iha governasaun nebe mosu hosi Eleisaun 2007. Mesmu ke iha difikuldade oi-oin ho polarizasaun nebe makas (Governu versus Opozisaun), Governu Koligasaun tempu neba konsege duni resolve residual Krizi 2006. Istoria sei hakerek bot iha pagina ukun an Timor-Leste nia.

Maibe hosi Governu Koligasaun resultadu Eleisaun 2007, hamosu mos inisiativa foun Ida mak  naran Planu Estrategiku Dezenvolvimentu (PED) 2011 - 2030 ho objetivu atu transforma Timor-Leste ba nasaun ida ho rendimentu mediu aas (upper middle income country) ho povu nebe la iha kiak, eskola hotu, isin diak (saudavel) hotu, instituisaun sira forti, infrastrutura diak, produtividade agrikultura aas, ho setor privadu buras atu kontribui ba loke servisu, industrializasaun, ho diversifikasaun rendimentu la os minarai. Hanoin sira née reflete hanoin ema barak nia, liliu governu nebe iha poder ho ninia asesor sira, inklui mos populasaun iha territoriu tomak, itelektual sira, veteranu, ho mos opozisaun.

PED 2011 - 2030 fo insentivu ho stimulasaun bot ba moris diak (prosperidade) povu Timor-Leste nia. Ita hein katak Governu sira nebe tuir mai, liliu resultadu Eleisaun 2012 bele implementa mehi diak PED liu hosi formasaun Governu kiik maibe kompetenti atu halu agenda maktodan ba realiza mehi ema barak nia mesmu ke resultadu eleitoral tinan neba, besik 22% votante la hili sira (tanba hili partidu sira neb la hetan asentu iha Parlamentu Nasional) ho 30% sai opozisaun iha Parlamentu Nasional. Ema hotu hein, resultadu governu Eleisaun 2012 ho número partidu koligasaun tolu deit dominante hosi partidu ida sei hamosu kompozisaun Governu ida ke forti, kompetenti, ho fokus atu implementa ideal sira PED nia. Tanba lideransa Governu, Parlamentu ho aliansa resultadu Eleisaun 2012 atu hanesan Governu ho Parlamentu anterior maibe ho número koligasaun partidaria kiik (partidu tolu) kompara dahuluk (partidu lima).

Maibe governasaun ida nebe sai mai naksalak los, númeru Governu bot (55), frakturadu, inkompetenti ho esepsaun Membru Governu balu, ho la iha fokus. Governu lakon tempu barak ba kordenasaun ho supervizaun nebe hamosu deit frustasaun. Karik kordenasaun ho supervizaun la biban, Membru Governu balu komesa halu azineira oi oin ho eskandalu sira nebe mosu naba naba hanesan distrasaun bot ida ba governasaun. Mesmu ke servisu balu diak liliu iha nivel internasional hanesan g7+ ho lideransa CPLP, progresu dezenvolvimentu domestiku  lao kudeik hela depois de tinan rua governasaun. At liu tan, asesor ema hosi liliu hosi Pasifiku komesa halimar atu destabiliza sistema ekonomia (liliu estimasaun GDP) aproveita membru governu balu nebe la fokus mesmu ke kaer portfolio estrategiku asuntu domestiku nia maibe lao barak liu iha liur.

Ho situasaun sira née, agenda reforma birokrasia atu sai kompetenti ho base ba meritu, desentralizasun, reforma orsamentu estadu atu efisienti, reforma legislasaun atu promove komersiu, industria ho turismu, hadia konektividade liu hosi infrastrutura dalan, telekomunikasun (fiber optics), hasae kapasidade rekursu humanu hosi edukasaun ho saude, ho hasae produtividade agrikultura ho promove Timor-Leste atu partisipa iha global value chain namlele hotu.

Ikus mai, Xefi Governu desidi atu resigna aan. Depois de diskusaun barak mesmu ke intensaun née la halao, maibe rekoinesimentu katak governasaun lao kudeik mosu nafatin. Ikus liu iha intensaun atu halu remodelasaun deit ba estrutura governu ida ke bot, inkompetenti (ho esepsaun membru balu), ho la iha fokus. Nune bele reset fali fokus ho energia governasaun ida nee. Maibe tempu lao dadauk ona. Oportunidade maka tinan balu 2014 nebe hela née, maibe bainhira hein too tinan oin (2015) maka ema hotu nia atensaun sei fo ba Eleisaun 2017.


Planu, Planu, ho Planu

Saida mak ema hotu hakarak ho Governasaun resultadu Eleisaun 2012 maka remodelasaun. Ne hanesan solusaun temporaria ida. Maibe problema nasional dezenvolvimentu Timor-Leste nia hun maka oinsa traduz mehi sira iha PED 2011 - 2030 ba programa tinan lima-lima, tinan ida-ida ho liga ho orsamentu Estadu tina-tinan. Realidade hatudu katak esforsu PED 2011 - 2030 lao ketak. Halu programa Governu tinan lima nia exercisio ketak ho la liga didiak ba iha PED. Nunes mos planu asaun annual ezersisiu ketak ida tan. Maibe ita nia matan tomak hare ba iha halu orsamentu tinan-tinan. Tanba hosi née valor dolar determina kedas ho reward ba ema sira halu planu mos konkretu duke gasta tempu koalia konaba planu asaun anual, planu governu sa tan PED.

Tanba née bainhira ita hakarak halu remodelasaun ho reset esforsu Governu ida née nia, tenki tau prioridade dahuluk ba planu, prioridade daruak ba planu ho prioridade datolu ba planu.

Nunee importante tebes atu hamosu agensia planeamentu ida nebe fokus ba iha kria ambienti servisu Estadu nia tuir planu. Ita iha rekursu osan barak, ema mesmu ke la barak mas too se ita mobiliza didiak, ho tempu mos iha atu halu reforma sira née. Agensia planeamentu ekonomiku ho nivel ministerial ho suporta politika makas bele kria fundasaun diak ba planeamentu nasional. Tanba ita nia servisu hirak iha tempu barak ba kotuk fokus mak ba orsamentu, orsamentu, orsamentu ho orsamentu. Maibe la iha tempu barak atu dedika iha planu nebe sinkronizadu ho koerenti, atu bele monitor resultadu dezenvolvimentu. Agensia Dezenvolvimentu Nasional (ADN) nebe ita kria hanesan embrio ba Ministeriu Planeamentu née sai fali implementador ida hodi ba buka tuir projetu atu sobu. La os fokus ba iha hadia kualidade planeamentu projetu ho kordenasaun Ministeriu tekniku sira liliu Ministeriu Finansa.

Prioridade ida tan iha reforma birokrasia nia mak reforma estrutura orsamentu estadu. Estrutura orsamentu estadu Timor-Leste nia eransa (warisan) UNTAET nia nebe nia sura mak item sira (line item budgeting), la os hare ba iha programa (program budgeting). Estrutura Orsamentu Estadu agora nebe halu klasifikasaun ba iha kategoria hat (salariu vensimentu, bens servisu, transferensia publika, kapital ho dezenvolvimentu) simples tebes tanba ita bele aloka osan tuir kategoria hat née. Fasil atu aloka osan, fasil atu hatun ka hasae osan, fasil atu ezekuta osan. Maibe item sira née la hatudu ninia ligasaun ho objetivu orsamentu nia, hanesan aloka osan atu hasae kresimentu ekonomiku persentagem hira, loke servisu hira, iha setor ida nebe, hamenus kiak hira, ho objetivu too ona ka seidauk. Frakesa ida tan mak kategoria tolu dahuluk (salariu vensimentu, bens servisu, ho transferensia publika), ita temi rekurenti hotu bainhira servisu balu iha laran neba lolos ba dezenvolvimentu nia. Nebe tinatinan ita aumenta osan mos, ita hare ba iha rekurenti mak sae makas bainhira osan balu ba iha dezenvolvimentu nia.

Foin dadauk iha orsamentu 2014 née mak komesa iha hanoin atu muda maibe mudansa kiik oan deit. Presiza mudansa substantivu atu dudu prosesu dezenvolvimentu née programatiku ho planeadu. Iha estrutura orsamentu Estadu line item budgeting née, so despesa fisika hanesan ponte, estrada, uma ho portu aeroportu mak dehan kapital ho dezenvolvimentu bainhira servisu seluk hanesan rekruta tan ema atu halu servisu ba tinan ida deit mos lolos tama ba kategoria dezenvolvimentu. Maibe ita hatama ba iha rekorenti (rutin) bainhira servisu née halao tinan ida deit para ona. Fo subsidiu ba ema ruma iha tinan ida deit lolos mos halu parte dezenvolvimentu maibe dehan katak née parte transferensia publika, nebe despesa née rekorenti mesmu ke tinan oin née despesa née la iha ona. Frakesa ida tan line item budgeting née mak virement (muda orsamentu tun sae) atu hadau ezekuta lalais. Se lae tinan oin alokasaun orsamentu tun ona. Nebe muda orsamentu hosi item ida (ke importante) ba item seluk (nebe la importante) tanba lei orsamentu fo dalan. Naran katak bele ezekuta hotu tinan ida née nia laran ho tinan seluk husu tan. Se bele hasae barak liu tan. Tanba née dala barak too tinan fiskal ramata, ita hare ezkusaun 100% mas resultadu ita la hetan barak tanba ita muda tun muda sae tiha ona. Virement née bele halao too 20% orsamentu orsamentu Estadu nia, naran katak keta book salariu vensimentu ho kapital ho dezenvolvimentu tuir Lei No. 9/2009 konaba Orsamentu ho Gestao Finanseira. Tanba moras virement née ho kahur orsamentu dezenvolvimentu, rekorenti ho kapital née halakon tiha ligasaun ba iha objetivu nebe atu atingi. Iha diskusaun konaba Orsamentu Estadu nia ida, Diretor Geral ida hamrik ho ran nakali hatete, "Ami nia orsamentu née imi tetak rahu-rahun tiha, agora imi husu ba ami konaba objetivu programa too ka lae, ami hare oinsa?" Ema hotu hateke ba malu, maibe koitadu sala la os Ministeriu Finansa nia maibe estrutura orsamentu line item budgeting eransa UNTAET née mak sala. Tanba née presiza reforma orsamentu estadu.

Ita bele komprende tanba sa mak UNTAET adopta orsamentu line item budgeting née, tanba osan hosi doador. Doador sira husu atu ezekuta lalais hanesan kondisaun atu hetan tan ajuda. Maibe tempu too ona pratika ida née ita muda atu kontrola diak liu destinu dezenvolvimentu nasional Timor-Leste nia atu too mehi sira iha PED 2011 - 2030 nia.

Muda oinsa? Muda ba Program Budgeting ka orsamentu nebe orienta ba programa duke orsamentu line item budgeting nebe hamosu destinu nasaun nian maka inefisiensia, korupsaun, ho resultadu minimu. Program budgeting née atu ita halu orsamentu orienta ba programa. Defini lolos objetivu performansia espesifiku hodi aloka orsamentu ba. Programa sira labele habit malu (tumpang tindih) hosi Ministeriu ida ba Ministeriu seluk ka diresaun ida ho diresaun seluk. Nune mos ita minimiza duplikasaun sira nebe ita hare barak la halimar, la os deit iha orsamentu maibe mos iha disain estrutura Governu nia ho birokrasia Timor-Leste durante tinan hirak née. Program budgeting née, presiza planu forti hodi kordena entre Ministeriu sira ho distritu sira atu hamosu programa ho resultadu ida ke defini tiha ona ba benefisiu ema barak nia.

Mesmu ke komplikadu liu line item budgeting, tempu too ona ba Timor-Leste atu halao reforma orsamentu Estadu nia hodi benefisia ba ema barak, loke servisu, hamenus desikilibriu regional, hamenus korupsaun, hasae rendimentu ho industrializa lalais Timor-Leste. Mehi Timor-Leste atu sai tuir Singapura sei la too bainhira ita sei uza line item budgeting nebe determina ita nia destinu ba inefisiensia ho korupsaun tanba dudu deit atu ezekuta lalais hodi hetan tan fali aloksaun osan foun mesmu ke resultadu despesa bot hirak née minimu tebes.

Implikasaun hosi Program Badgeting née maka restrutura Governu, reestrutura birokrasia, ho hametin planeamentu hodi responde ba programa sira nebe hadia povu nia moris. Hamenus programa sira nebe la iha objetivu konkretu, habit malu, ho hamosu deit korupsaun. Tinan-tinan ita halu evaluasaun konaba programa sira née ho hadia mesmu ke programa balu tenki husik tanba nesesidade nasional la os ona hanesan iha momentu ita hamosu programa ida née.

Ikus liu, hanoin hirak née atu kontribui ba hadia situasaun Timor-Leste nia liliu maneja didiak prosesu eleitoral, ekonomia liliu orsamentu atu too ba iha moris diak (prosperidade) povu nia. Nune ita bele realiza mehi self determination tuir espiritu espresaun popular referendum nia.

Parabens ba Povu Timor-Leste ba loron istoriku ho loron self determination, 30 Augustu 2014.

Obervasaun Eleisaun Parlamentar 2012:
Partidu Programa atu Promove Moris Diak Povu

Joao M. Saldanha, Ph.D
Presidenti Partidu Republikanu


Eleisaun Parlamentar 2012 sei domina hosi figura istoriku ho figura istoriku nebe reflete hosi votu bot ba CNRT ho FRETILIN. Fenomena eleitoral ne'e sei kontinua ba aban bainrua ka oinsa? Partidu istoriku FRETILIN hanesan hatete tiha ona katak eleitoradu stavel tiha ona iha 30% tuir rezultadu Eleisaun Parlamentar 2007 ho 2012. CNRT barak mak dehan depende ba figura istoriku. Bainhira figura istoriku sai hosi palku politiku tanba idade iha posibilidade katak votu CNRT sei tun. Maibe seidauk iha evidensia atu konfirma predisaun ida ne'e. Karik esperiensia PSD ho ASDT bele informa buat ruma ba ita. Bainhira fundador Mario Carrascalao la os ona Presidenti PSD, votu ba PSD tun ho la konsege liu barreira 3% iha 2012 kompara ho Eleisaun 2007 nebe PSD hetan kadeira 6. Nunee mos ASDT, bainhira sei lidera hosi nia fundador Avo Xavier hetan kadeira 5 iha Eleisaun 2007 mas bainhira Avo Xavier mate, ASDT la hetan  kadeira iha Parlamentu Nasional iha 2012 mesmu ke hetan suporta hosi Eis-Presidenti da Republica Jose Ramos-Horta ho nia familia. Pergunta bot maka ne'e, sera ke partidu sira nebe la iha figura istoriku ho la iha istoria bele sobrevive iha kontestu politiku Timor-Leste aban bainrua?

Hakerek ida ne'e analiza situasaun ida ne'e ho hatoo hanoin ruma oinsa sustenta demokrasia ba oin ho promove partidu baseia ba programa  atu promove paz ho moris diak (prosperidade) povu Timor-Leste. Iha kontestu ne'e ita sei diskuti Planu Estrategiku Dezenvolvimentu (PED) ho programa Partidu Republikanu ruma nebe hetan eskrutiniu publiku nia iha Eleisaun Parlamentar 2012.

Estrada Ba Los Mai Los

Programa partidu seidauk hetan atensaun hosi povu Timor-Leste. Tanba ne'e eskrutiniu (scrutiny) publiku ba programa partidu nia minimu liu. Amo Bispo Basilio mak husu esplikasaun konaba Estrada Ba Los Mai Los Partidu Republikanu (PR) nia iha TVTL 22 Juinu 2012. Mas bainhira autor telefone atu esplika programa nee, Bispo Basilio la foti. Nunee mos haruka mensagem esplika programa nee mos Amo Basilio la responde. Tanba ne'e ita dehan katak eskrutiniu ba programa partidu la seriu. Bispo Basilio hakarak hare estrada Dili - Aileu nebe 17 km sai pilotu ba Programa Estrada Ba Los Mai Los. Nunee mos nia husu programa ne'e aplika ba estrada Subao ne'e oinsa? Iha 23 Juinu uza kampaine iha Atsabe, hau klarifika programa ne'e mas TVTL la fo sai didiak. Realidade estrada iha Timor-Leste ne'e kleuk tun sae hela mesmu rai tetuk (Manatutu - Laleia) at liu tan iha foho lolon sira. Tanba sa? Estrada sira nebe uluk kee ho liman deit iha tempu Japones ho Portugues la hetan ajustamentu iha tempu Indonesia. Estrada ne'e dada ba hetan fatuk bot ida fo volta, hetan foho kiik ida fo volta mos, at liu tan iha foho lolon fo volta hanesan supermi (Balibar, Same, ho fatin seluk tan). Estrada sira ne'e la dura, kualidade mos at, ho oho ema mos barak ona tamba asidenti barak. Kruz hira mak iha estrada ninin sira iha Timor laran ne'e? Amo Bispo Basilio bele konta deit hosi Baucau mai iha Dili. Ida ne'e seidauk konta ho kareta hira mak baku fila ho at.

Resposta didiak ba Amo Basilio nia pergunta maka ne'e. Iha proposta nebe ami prepara ba Programa MCC Amerika iha 2009,  atu halu ajustamentu ba estrada hotu hodi minimiza volta sira nebe la presiza ne'e. La os atu halu auto estrada nebe seidauk tempu. Ba Aileu agora presiza oras ida resin. Se iha dalan, balun kabem bot (muta) bele to'o oras rua. Ita bele hamenus tempu hodi reajusta dalan Dili - Aileu.  Duke liu hosi Dare ho Balibar, ita oiu hosi fali Komoro mota ibun sae ba Konching ho halu ponte liu mota. Depois dada los ba Aileu. Nunee hosi Dili ba Aileu tempu bele hamenus ba minutu 45 duke agora oras ida resin, kareta barak maka baku fila, kareta barak mak xoke malu, ho ema mate ho kanek hira tina tinan. Oinsa estrada ba los mai los iha Subao? Ita dada ponte liu tasi laran hosi Subao kiik ba iha inur antes tama Obratu (Manatutu). Duke liu hosi foho lolon ho Beheda nebe kareta bele xoke malu, monu, ho ema mate ho kanek tina tinan. Iha 2009, hau lori Amerikanu sira nebe servisu ba MCC hosi Washington, DC, Amerika ba Subao ho hatete ba sira atu dada ponte hosi Subao kiik liu tasi laran ba iha inur antes Obratu. Sira nia resposta bele mas karu. Tim MCC Timor-Leste mos fo hanoin konaba halu ponte hosi tasi laran hosi Dair, Maubara ba iha Loes.

Ami dehan ba sira katak ida ne'e sei fasilita ema desloka lais liu, hamenus ema mate, ho mos iha valor turistiku. Povu Timor-Leste sei apresia tebes obra ida nee. Tanba sae kareta hare tasi ho foho lolon. Nunee mos halu ponte ne'e sei fo mos insentivu atu dada los estrada Dili-Baucau sei hamenus tempu. Nunee mos sei fo hanoin atu reabilita Aeroportu Baucau hodi uza ba servisu internasional. Duke agora husik hela deit.   Estrada Komoro -Konching - Aileu mos ami halu survey hamutuk konsultan Frances ida nebe ajuda prepara proposta Timor-Leste nia ba MCC ho Administrador Distritu Dili momentu neba Ruben de Carvalho. Konaba Fatu Ahi nebe halu kareta monu bebeik desde tempu Portugues to'o ukun an ita bele halu tunnel (terowongan). Sekretariu Estadu Virgilio Smith (Kranik) mos uluk monu iha neba, sorti nia vida naruk be la mate deit. Peritu estrada Indianu, K Mandal nebe ami kontratu ajuda halu proposta ba MCC dehan tunnel Fatu Ahi sei gasta osan tokon $40 (juta). Tanba ne'e la os tempu kampaine mak koalia programa sira ne'e maibe iha tiha ona programa antes. Tempu kampaine apresenta fali deit ba povu se hetan fiar karik ita bele realiza programa sira ne'e neneik mas bebeik. Infelizmente seidauk mas Partidu Republikanu sei koalia nafatin atu programa sira ne'e bele realiza aban bainrua.

Eleisaun sira ba kotuk iha Timor-Leste, eleitoradu seidauk hare ba programa politiku partidu sira nia. La iha NGO, grupu professional ho komunidade sira husu esplikasaun konaba programa partidu politiku nia. Nunee mos la iha esforsu atu rona esplikasaun hosi partidu bainhira partidu politiku responde ba eskrutiniu hosi publiku. Klimatika ida ne'e presiza hadia ho atitude sira ne'e sai desafiu ba partidu politiku sira.


Partidu Programa

Kualidade kampaine ho kualidade governasaun determina hosi kualidade programa ho kualidade lideransa partidu nia nebe liu ona eskrutiniu eleitoradu iha eleisaun parlamentar. Tanba nee partidu ka koligasaun partidu presiza fo sai programa antes (jauh jauh hari) para eleitoradu hetan asesu ho halu eskrutiniu. Partidu ho koligasaun partidu 21 nebe partisipa iha Eleisaun Parlamentar 2012, CNRT ho PR deit maka publika sai Programa 2012 - 2017 antes tama ba kampaine eleitoral. Kontestante seluk kampaine to'o klaran ona mak fo sai programa.

Desafiu bot ba partidu hotu, inklui mos PR nebe autor lidera maka oinsa atu dudu programa ba oin atu sai isu sentral kampaine eleitoral. Partidu kiik sira tenki halakon lia anin (stereotype) katak hari partidu atu buka subsidiu governu. Tanba ne'e, pertinenti tebes reforma lei partidu politiku, lei eleitoral, ho lei sira seluk nebe relevante atu limita numeru partidu ho loke dalan ba partidu ho programa diak. Apetite (kan) ba politika makas iha Timor-Leste nebe hatudu hosi partidu barak. Ida ne'e, hatete mai ita katak partidu bot ka kiik sira nebe iha ona seidauk responde ba iha mehi nebe Timor oan barak nia. Tanba ne'e, mosu partidu tan atu kompete to'o iha mehi neba mesmu ke posibilidade atu hetan suporta publiku kiik ka remotu.

Desafiu ida tan maka oinsa atrai ema kompetenti ho kapasidade finansial nebe stabil ona atu fokus ba halao politika hodi hadia povu nia moris, la os halao politika atu buka moris.  Ho situasaun Timor-Leste nebe foin sai hosi konflitu liliu ninia demokrasia nebe sei nurak presiza tempu atu to'o iha neba. Maibe la iha razaun atu hein tempu oportunu maka loke partidu baseia ba programa. Agora bele komesa ona ho neneik sei ba to'o iha neba.

Ba Partidu Republikanu, maluk barak mak hatete atu para deit ka ba hamutuk ho partidu seluk, liliu stereotype nebe hatete lideransa PR autonomista ho isu negativu sira seluk tan. Ideia sira ne'e diak ho stereotype asasina karakter tenki enfrenta. La os buka diak deit ka buka aman (safe) deit. Povu Timor-Leste presiza partidu ho programa diak  atu dinamiza vida politika ho muda povu Timor-Leste ba  moris diak bainhira hetan fiar povu nia. Bainhira harii PR, fundador sira hakarak partidu nee baseia ba programa. La os hari partidu atu sai bot ka atu buka osan sai riku. Ita respeita partidu istoriku ho figura istoriku sira maibe ita hakarak atu lori Timor-Leste ba paz ho moris diak (prosperidade). Ida nee mak vizaun ho misaun PR nia. PR moris atu intervem iha debate konaba asuntu bot nasaun nia nebe relevante ho vizaun ho misaun partidu nia ne'e. Tanba ne'e, mesmu ke seidauk hetan konfiansa povu nia, PR kontinua halao misaun importante ida ne'e. Ita hatene katak rekoinesimentu ho apoiu povu nia la os instant (mendadak) mas sei lori tempu. Tanba ne'e, lideransa PR tenki iha komitmen ho koragem atu kompete baseia ba programa  mesmu ke situasaun politika seidauk favorese. Ita fiar katak situasuan politika ida ne'e sei muda mesmu ke naruk. Mas bainhira muda, povu iha ona alternativu. Tanba ne'e mak Partidu Republikanu oferese alternativu nebe baseia ba programa hanesan dudu lian Tetun sai lian ofisial no. 1, reajusta ho revolusiona estrada Timor-Leste ba los mai los atu sai abut ba dezenvolvimentu Timor-Leste, dezenvolve industria ho komersiu atu diversifika ekonomia Timor-Leste ho loke servisu ho hasae rendimentu nasaun nia.  Ita lalika nakdedar (silau) ho partidu bot sira nebe baseia ba istoria ho figura istoriku mesmu ke ita respeita nafatin sira. Tanba ne'e Partidu Republikanu simu desafiu sira ne'e ho laran luak. Partidu tenki hakiak hosi kiik mak bot, la os bot kedas nebe artifisial ho bele monu lalais liliu bainhira fundador mate.

Planu Estrategiku Dezenvolvimentu

Desafiu nasional Timor-Leste tinan lima mai ne'e mak ema kiak sei barak, uza orsamentu estadu la efisienti, infrastrutura dalan ho be mos nebe at, asesu ba edukasaun ho saude minimu, investimentu (domestiku ho estrangeiru) minimu, ho dependensia kuase total (95%) ba iha reseita minarai. Tanba ne'e, bainhira partidu sira nebe hetan fiar povu nia buka resolve problema sira ne'e, partidu sira nebe la tama iha Parlamentu Nasional hanesan Partidu Republikanu fo alternativu. Ita presiza kordena atu hamosu alternativu ba partidu iha governu ka ba partidu iha opozisaun. Votu 21% (96,000) nebe eleitoradu fo ba partidu sira nebe la tama Parlamentu Nasional labele husik atu monu ba rai deit.

Iha kontestu ida ne'e mak mai ita hare Planu Estrategiku Dezenvolvimentu (PED) nebe governu foun mai atu implementa. PED iha objetivu atu transforma Timor-Leste ba nasaun ida ho rendimentu mediu altu (upper middle income country), populasaun nebe edukadu, saudavel, ho seguru iha tinan ruanulu nia laran. Nunee mos dezenvolvimentu infrastrutura (estrada, be mos, portu, aeroportu, ho telekomunikasaun), ho dezenvolvimentu sector produtivu (agrikultura, minarai ho gas, ho turismo). Dezenvolvimentu setor sira ne'e halao ho aliserse quadru instituisaun nebe efektivu ho base makroekonomika ida nebe forti (PED 2011 - 2030, 2011).

Vizaun tinan 20 PED ne'e diak ona maibe presiza tradusaun ho implementasaun tinan lima-lima nia nebe klaru. Ida ne'e mak desafiu bot ba implmentasaun PED tanba hare hosi esperiensia tinan lima liu ba, ligasaun planu tinan lima ho planu anual seidauk paz. Nunee mos ligasaun prioridade tina-tinan ho alokasaun orsamentu ho esforsu nasional nebe la kondiz ho prioridade sira ne'e. Desafiu ida ne'e presiza responde ho kompetensia iha area planeamentu ho implementasaun nebe efisienti ho kompetenti. Tanba hakarak implementa PED ne'e, governu nebe sei forma hosi Koligasaun Partidu CNRT, PD ho FRENTI Mudansa presiza koloka ema kompetenti atu komesa implementa PED iha tinan lima mai ne'e atu baseia esforsu, prioridade, ho alokasaun orsamentu nebe responde ba iha nesesidade tinan lima mai ne'e. Ho GDP per kapita $830 tuir Konta Nasional foun  (National Account 2011), iha posibilidade katak rendimentu mediu aas Timor-Leste nia bele realiza antes de 2030 tanba PED planeia ho GDP per kapita $620 nebe kiik liu. Se partidu tolu ne'e bele asegura estabilidade politika liu hosi servisu diak ho opozisaun ho instituisaun sobeanu estadu sira diak, rekursu humanu kompetenti bele mobiliza hotu atu servisu hamutuk realiza mehi nasaun tuir PED ne'e. Koligasaun foun ne'e se konsege dada rekursu humanu kompetenti Timor oan hotu nebe kompromete atu servisu makas atu atingi PED sem hare ba iha kor politika sei iha vantagem makas tebes atu to'o lalais ba mehi ida ne'e. Apontamentu politiku nebe kompetenti kombina ho apontamentu tekniku nebe la sala sei iha oportunidade atu realiza mehi PED.

AMP tinan liu ba hari ho fragmentasaun iha koligasaun nia laran kompara ho koligasaun foun nebe sei forma tanba partidu mais votadu CNRT maka lidera ho kadeira iha Parlamentu Nasional nebe bot kompara ho formasaun AMP iha 2007. Tanba ne'e rekrutamentu membru governu, CNRT sei dikte barak kompara ho formasaun iha 2007 nebe membru koligasaun buka kaer pasta ministeriu sira nebe importante ho kritiku mas ho kapasidade teknika nebe limitadu. Ita hein oportunidade ida ne'e, CNRT sei uza didiak atu mobiliza rekursu humanu sira hotu hosi koligasaun, partidu sira nebe la tama parlamentu, ho independenti sira.

Tinan lima mai, area kritiku maka uza orsamentu estadu nebe efisienti atu treina ema, hari infrastrutura liliu estrada, reforma institusional atu hari base ekonomia, sosial ho politika nebe forti. Nunee bainhira ramata mandatu, kondisaun oportunu ona ba iha investimentu privadu suli mai Timor-Leste. Nunee neneik ita ses an hosi dependensia makas ba osan minarai ho gas. Iha area orsamentu estadu, seidauk iha efisiensia, liliu orsamentu kapital nebe mark up cost barak liu. Orsamentu rekorenti mos sei kuak barak nebe kontribui ba iha inefisiensia orsamentu estadu nebe bot. Presiza siklu orsamentu rua ka tolu atu reforma inefisiensia ida ne'e ho muda osan sira nebe hosi rekorenti inefisienti ba orsamentu kapital mas efisienti atu hadia infrastrutura, eskola,mklinika etc. Nunee ita bele hamenus kiak ka mukit nebe barak, desikilibriu sidade ho foho, ho fahe rezultadu dezenvolvimentu Timor-Leste nia ba ema barak duke ba ema oituan deit iha sidade ka grupu ba deit.

Pozisaun Makroekonomiku ho Orsamentu Estadu
Joao M. Saldanha, Ph.D
Presidenti Partidu Republikanu


Timor-Leste nia kondisaun makroekonomika tonka ho reseita minarai duranti tinan lima liu ba. Mos iha posibilidade situasaun ne'e kontinua iha tinan lima mai ne'e. Poblema makroekonomiku sira maka oinsa hasae moris (kresimentu) ekonomia, kontrola inflasaun, loke kampu servisu (lapangan kerja) ba ema hotu, promove estabilidade balansa pagamentu (balance of payments), ho promove igualdade (equity) dezenvovimentu entre grupu sira (kiak ho riku) ho entre regiaun (sidade ho foho). Atu resolve problema makrorkonomiku sira ne'e depende ba iha despesa estadu nebe foti hosi Fundu Minarai. Ida ne'e desafiu bot makroekonomia nia nebe mos sai aliserse ida Planu Estrategiku Dezenvolvimentu (PED la os PEDN) 2011 - 2030 nia. Tinan lima mai iha oportunidade diak atu resolve problema makroeknomiku sira ne'e liliu promove kresimentu ekonomiku sustentavel, hatun inflasaun, loke servisu barak, ho diversifika reseita estadu liu hosi dezenvolvimentu industria ho komersiu atu labele depende deit ba minarai, ho dezenvolvimentu integradu iha area rural atu promove inkluzaun ho hamenus desikilibriu ekonomiku entre grupu hi entre regiaun.

Hakerek ida ne'e diskuti aspetu makroekonomiku sira ne'e iha kontestu implementasaun PED 2011 - 2030.

Kresimentu ekonomiku

Kresimentu ekonomiku tinan lima ikus ne'e iha media (rata-rata) digitu rua nebe depende ba iha despeza estadu ho atividade ekonomika (industria ho komersiu) nebe kait makas ho despesa estadu nia. Maibe atu sustenta kresimentu digitu rua ne'e tinan lima mai sei iha difikuldade tanba atividade ekonomiku la kait diretu ho orsamentu estadu hanesan fabrika, hotel, ho servisu sira seluk sei minimu liu iha Timor-Leste atu fo impaktu signifikativu kresimentu ekonomiku. Share setor publiku iha ekonomia (GDP real) Timor-Leste bot tebes ho sae tinan tinan. Iha 2010, share setor publiku 40%, sae hosi 30% iha 2002. Bainhira setor industria ho servisu (services) tun fali hosi 35% ba iha 33% iha mos periudu hanesan (Livru 1 Orsamentu Estadu 2012:23).

Industria ho servisu ninia kontribuisaun ba ekonomia sei reflete nivel dezenvolvimentu nebe nasaun nia. Bainhira industria ho servisu ninia kontribuisaun iha GDP bot  (liu 50%) katak nasaun ne'e avansa ona tanba hun rendimentu ho kampu servisu maioria mai ona hosi setor Ida nee, la os ona mai hosi despesa estadu. Hanesan nasaun agraria atu aranka ba industrializasaun, Industria agribisnis hanesan pasu importante  ida ba Timor-Leste molok atu tama ba faze industria transformadora hanesan otomotivu (kareta), roupa, ho seluk tan nebe presiza skill diak ho kapital nebe bot. Nunee mos turismu presiza hetan atensaun bot iha tinan lima mai atu hasae rendimentu atu hamutuk ho industria ho komersiu hodi sustenta kresimentu ekonomiku digitu rua iha tempu PED nia laran.

Dezenvolvimentu industria, komersiu ho turismu presiza hetan insentivu hosi reforma rai liu hosi sertifikasaun nebe halao dadauk, dudu setor bankariu atu fo kreditu ba setor agribisnis, industria transformadora, ho turismu. Sertifikasuan rai nebe hahu tiha ona presiza agresivu liu tan tinan hirak nebe mai. Nunee mos Banco Nacional Comercial de Timor-Leste (BNCTL) nebe governu nia banku presiza hasae tan ninia kapital ho rekursu humanu atu bele kanaliza kreditu bot liu tan ba setor sira temi iha leten ne'e. Kreditu la fo fila (non performing loans) BNCTL nia kiik kompara ho banku sira seluk iha Timor-Leste. Ida ne'e hatudu kapasidade diak banku estadu ne'e.

Iha sorin seluk, respeita kontratu nebe suporta ho sistema judisial nebe forti sai fator importante atu fo incentivu ba industria, komersiu, ho turismu buras iha Timor-Leste. Investimentu domestiku ka estrangeiru sei la bot bainhira contract enforcement (penegakkan kontrak) sei fraku. Nunee mos registu kompainia sei sai nafatin desafiu bot atu dada investmentu mai iha Timor-Leste. Ita presiza loron barak atu regista kompainia ida iha Timor-Leste tanba rekezitu oi-oin ho atendimentu la diak ba investor potensial sira.

Tanba ne'e mak ranking Timor-Leste iha Relatoriu Banku Mudial, Doing Business sei besik 170 hosi nasaun 185 nebe relatoriu ne'e kobre. Tanba ne'e tinan lima mai oin iha oportunidade diak atu halu reforma sira nebe Timor-Leste nia skor seidauk diak. Tenki iha target atu Ranking Timor-Leste bele sae hosi besik 170 ba iha 100. Sertifikasaun rai, hadia sistema judisial atu fo garantia ba kontratu, ho registu kompainia foun hanesan fator kritiku sira atu hasae investimentu domestiku ho liur mai ihanTimor-Leste. Nunee, iha tempu la kleur tan industria ho komersiu bele sai aliserse ba iha kresimentu ekonomia digitu rua ho to'o lalais mehi Timor-Leste atu sai nasaun ho rendimentu mediu aas tuir target SDP nia.

Inflasaun ho produsaun foos

Potensia agrikultura bot tebes tanba potensia natar nebe besik 75,000 ha, foin 45,000 ha deit mak halai. Nunee mos produtividade hare ha ida Timor-Leste nia kiik kompara ho nasaun seluk iha ita nia regiaun. Tanba ne'e, se ekstensifikasaun ho intensifikasaun agrikultura lao los, produsaun agrikultura sei kontribui makas ba dezenvolvimentu ekonomia nasaun nia tanba hasae produsaun hasae kresimentu ekonomiku, rendimentu, ho loke servisu ba ema barak. Rezolve problema agrikultura sei resolve mos problema makroeknomiku balu hanesan hamenus inflasaun iha Timor-Leste. Populasaun nasaun ne'e barak mak han foos maibe produsaun domestiku foos la to'o 70% nesesidade konsumu nasional. Tanba ne'e mak obriga governu importa foos ho kuantidade bot hosi nasaun seluk ho folin aas nebe fo todan ba balansu pagamentu Timor-Leste. Importasaun ho folin aas kontribui mos ba hasae inflasaun iha rai laran liliu bainhira folin minarai sae ho kustu transport mos aas.

Bainhira ita hare ba iha komponenti Consumer Price Index (CPI), inflasaun iha Timor-Leste sae tanba folin aihan, transporte, ho hatais. Nunee bainhira hasae produsaun hare/foos sei bele hamenus inflasaun iha Timor-Leste tanba hamenus importasaun foos nebe folin aas nebe hatodan tan ho folin minarai ho kustu transporte nebe sae.
Estudu ida konaba inflasaun iha Timor-Leste nebe halao hosi Ministeriu Finansa hetan katak folin minarai, depresiasaun dollar Amerikanu, ho despesa governu hanesan fator importante tolu nebe hasae inflasaun iha Timor-Leste. Folin minarai nebe sae hasae kustu transporte ho fo impaktu ba iha folin foos nia. Rezultante sasan sira nia folin sae nee mak inflasaun mos sae iha Timor-Leste. Nunee ita bele hare katak hasae produsaun foos la os deit kontribui ba iha resolve problema hamlaha iha Timor-Leste maibe mos resolve problema makronomia balu hanesan hamenus inflasaun ho hasae kresimentu ekonomiku.

Efisiensia Orsamentu Estadu

Orsamentu estadu liu hosi reseita minarai ho gas mak agora sai makina kresimentu ekonomiku Timor-Leste nia. Ita hein katak la kleur tan, makina kresimentu ekonomiku bele muda hosi orsamentu estadu ba setor agrikultura ho agribisnis antes de tama ba iha industria ho komersiu diskuti iha leten ne'e. Maibe ba tinan lima mai, knar orsamentu estadu sei bot atu sustenta kresimentu ekonomiku digitu rua. Tanba ne'e importante tebes atu promove efisiensia orsamentu estadu ho aloka orsamentu tuir prioridade sira nebe defini iha PED. Inefisiensia sira ne'e mosu tanba sistema orsamentu sei kuak barak nebe kontribui mos ba iha korupsaun. Analogu diak maka mota, irigasaun, ho natar. Bainhira irigasaun ida kuak tun sae, maka be nebe sai hosi mota mesmu ke bot sei too natar oituan deit tanba bee suli sai barak husi kuak irigasaun barak. Tamba ne'e atu hakarak be too natar barak tenki taka kuak sira nee.

Iha orsamentu estadu ita tenki taka sistema nia kuak, liliu orsamentu kapital. Nunee bele trava osan barak tanba sistema loke dalan ba ema nauk. Publikasaun kustu unitariu nebe los nebe orgaun estadu sira hotu refere ba bainhira halu orsamentu kapital (projetu) bele hamenus inefisiensia orsamentu makas tebes. Oras ne'e dadauk, sasan bele hanesan maibe agensia estadu sira tau folin la hanesan mesmu ke hosi vendor (penjual) ida deit. Tuir ne'e tenki iha eskrutiniu (review rigorozu) ba iha valor projetu sira nebe prepara hosi Ministeriu ka agensia Estadu sira. Atu to'o iha faze ida ne'e, presiza siklu orsamentu rua ka tolu. Maibe tenki komesa ona iha inisiu governasaun agora para ita bele salva orsamentu estadu barak nebe kuak bele liu 50%. Presizq reforma orsamentu kapital lalais hodi salva osan estadu nia ho hamenus tendensia korupsaun nebe la os tanba ema naokten maibe tanba sistema maka dudu ema halu korupsaun. Nunee agensia anti-korupsaun sira hanesan KAK ho Prokuradoria Geral bele halao sira nia servisu diak liu tan, julga duni ema naokten sira duke julga sala ema tanba sistema mak la diak. Ida ne'e mos bele kontribui ba iha resolve problema makroekonomia balu hanesan promove efisiensia iha uza rekursu finanseiru nasional. 

Sik Strutura Governu Timor-Leste 2012 - 2017
Entre Prioridade ho Kastigu Inefisienti Permanenti?

Joao M. Saldanha, Ph.D
Presidenti Partidu Republikanu


Parabens ba Parlamentu Nasional (PN) 2012 - 2017 simu tomada de pose ho lideransa  foun PN nia.

Atensaun ema barak nia agora halai ba formasaun governu Bloku Koligasaun. Oinsa ninia estrutura ho se se deit mak tama iha governu. Ita hatene hosi media ho lia anin katak grupu tekniku partidu sira halu parte Bloku Koligasaun debate dala hira ona konaba estrutura governu foun. Nunee mos Presidenti partidu sira ne'e hasoru malu dala hira ona koalia konaba estrutura governu ho lista ema sira nebe atu sai membru governu 2012 - 2017 tuir preferensia Bloku Koligasaun nia. Desizaun final konserteza sei mai hosi Bloku Koligasaun ne'e, maibe la iha sala mos ema seluk ho partidu sira la tama PN mos diskuti meritu estrutura governu foun nee ho posibilidade membru sira ba periudu tinan lima mai ne'e.

Hakerek ida diskuti estrutura governu ho avalia meritu estrutura nia  ho taka ho avaliasaun konaba destinu ukun iha Timor-Leste nebe sei dita (dictate) hosi koligasaun permanenti iha nasaun ida ne'e aban bainrua.

Estrutura Governu Kompativel ho PED

Iha kampaine nakloke (terbuka) ikus Partidu Republikanu nia iha Lifau, Oe-Cussi 3 Juilu 2012 ami taka ho Konferensia Impreza ida konaba Estrutura Governu 2012 - 2017 tuir perspetivu Partidu Republikanu nia. Ami hatete katak periudu 2012 - 2017 hanesan periudu kritiku ida iha faze implementasaun PED nia mesmu ke 2011 ho 2012 lolos implementa ona PED. Maibe periudu 2012 - 2017 reprezenta faze aranka implementasaun PED, tanba ne'e governu nebe mai tenki kompetenti ho forma tuir nesesidade PED nia duke nesesidade seluk.

Prinsipiu governasaun ne'e tenke refleta esforsu nasional tomak atu to'o ba iha mehi nasaun ho rendimentu mediu aas, populasaun edukadu ho saudavel nebe hatudu duni moris diak povu iha sidade liliu sira iha foho. Prinsipiu estrutura governu dahuluk ida ne'e reprezenta hanoin tomak nasaun nian nebe hamutuk atu to'o iha mehi ida mesmu ke partidu oi-oin ho preferensia governasaun keta-ketak. Prinsipiu ne'e mak dehan unidade nasional iha hanoin atu hamosu paz ho moris diak ba povu Timor-Leste tomak. La os unidade nasional atu fahe malu kadeira iha governu nia laran maibe nia hanoin ida mesmu ke ho dalan oi-oin. Implementasaun prinsipiu dahuluk ida ne'e hatudu hosi unifikasaun programa atu to'o ba iha mehi paz ho moris diak.

Prinsipiu daruak governasaun ne'e maka estrutura governu tenki reflete prioridade tinan lima mai. Se PED dehan katak ita uza osan minarai agora (front load) atu eduka (ho treina) ema, hamoris kondisaun atu ema isin diak, hadia infrastrutura liliu estrada, dezenvolve setor xave sira PED nia (agrikultura, turismu, ho minarai ho gas) ho halu reforma institusional atu prepara kondisaun para rendimentu setor non-minarai ho gas sae makas atu komesa dudu ses oituan oituan dependensia bot ba reseita minarai ho gas maka estrutura governu tinan lima mai ne'e tenki refleta area importante sira ne'e. Nunee estrutura governu ida nee bele sai mata dalan atu hatudu ema sira atu tur iha  estrutura governu ne'e, halu programa  tuir prioridade, aloka orsamentu tuir prioridade, ho implementasaun programa tuir prinsipiu efisiensia ho efikasia. Nunee bele hamenus korupsaun ho intensaun tanba naukten duni ka tanba sistema maka babeur sira atu halu korupsaun. Tanba atu to'o ba iha mehi paz ho moris diak, rekursu nasional hotu tenki uza didiak, liliu osan estadu nia nebe kuaze total mai hosi reseita minarai ho gas.

Prinsipiu datolu estrutura governu ne'e maka tutan prinsipiu efisiensia ho efikasia iha lete ne'e. Katak membru governu sira tenki ser kompetenti. Hanesan nasaun, prinsipiu ida ne'e bolu ita hotu nia atensaun liliu partidu sira iha Bloku Koligasaun atu koloka ema kompetenti sira ho integridade atu halu planu, implemnta, programa ho monitoriza rezultadu dezenvolvimentu tinan ba tinan iha tinan lima nia laran. Membru governu tenki iha kualifikasaun atu hit naha todan halu ho implementa programa mediu prazu PED iha tinan lima mai ne'e. Ema kompetenti halu parte iha governasaun ne'e tenki mai hosi partidu ka koligasaun partidu sira nebe atu forma governu atu halu planu ho implementa programa ho laran diak atu too ba iha objetivu mediu prazu tinan lima mai. Se sukat hosi rendimentu, membru governu sira nee tenki hamutuk hatudu objetivu ka target tinan lima mai nee antes de traduz ba iha programa tina-tinan. Desafiu ba Bloku Koligasaun maka sira tenki iha ema internal partidu atu tur iha fatin sira nee. La os tur atu fahe kadeira deit mas fahe kadeira atu dudu dezenvolvimentu ba oin atu too ba objetivu mediu prazu PED nia nebe sira sei defini. Ka bele mos rona hanoin sosiedade nia ka partidu sira nebe la tama iha Parlamentu Nasional. Bainhira sira sinti todan ho labele lao mesak tanba ema la to'o ka ema la iha bele loke an ba ema seluk (NGO, Partidu la tama PN ka grupu sira seluk tan). Nunee bele tau hamutuk forsa lao hamutuk defini prioridade tuir target mediu prazu PED nia. Ida ne'e depende ba iha Bloku Koligasaun tamba sira mak lidera prosesu ne'e tanba povu iha Eleisaun Parlamentar liu ba fo fiar ba sira. Konserteza opozisaun ho sosiedade tomak nasaun nia sei akompaina ho fo hanoin durante sira nia ukun. Ba Partidu Republikanu nebe la tama iha Parlamentu Nasional iha desizaun ona atu akompaina politika ho programa sira nebe Bloku Koligasaun halu tuir perspetiva programa politiku Partidu Republikanu nia.

Ho prinsipiu tolu iha leten ne'e maka estrutura governu foun nebe forma hosi partidu sira kaer ukun tenki kiik, atende ba prioridade PED, ho ema kompetenti sira. Tuir perspetiva Partidu Republikanu nebe fo sai tiha ona (STL, 5/7/2012), membru governu tomak mestinya masimu nain tolu nulu (30). Iha ministeriu balu nebe bot presiza reforsa tan ho vice ministru ka sekretariu estadu, maibe membru governu tomak lolos oituan liu membru governu tinan liu ba. Nunee governu ida ke mai bele solid, kompetenti, ho iha integridade. La os governu ida ke fragmentedu ho inefisienti hanesan tinan lima liu ba. Tempu ona atu iha efisiensia governasaun hodi focus ba resolve problema nasional sira. Povu hakarak iha rezultadu lalais tanba vida la muda liliu sira moris iha foho tanba estrada at ba bebeik, foos karu, ahi la iha, oan sira eskola iha aihun, aimoruk la iha, etc.

Koligasaun Permanenti = Inefesiensia Permanenti?

Hosi lia anin nebe namkari ona iha publiku katak sei iha Ministeriu 17, Vise Ministru 12, ho Sekretariu Estadu 25 ka total membru foun hamutuk 54, bot liu membru governu tinan lima liu ba nebe la to'o 45. Bele iha fator rua nebe hamosu estrutura ho membru governu nebe bot. Ida, hafahe Ministeriu sira nebe bot hanesan infrastrutura ba ministeriu rua ho Vise Ministru ho Sekretariu Estadu sira. Ministeriu bot servisu la lao ka lao neneik presiza fera atu aumenta tan ema hodi halao servisu atu hetan rezultadu lalais. Argumentu ne'e bele iha ninia meritu. Rua, estrutura governu bot ho membru governu bot tanba atu fo oportunidade ba membru Bloku Koligasaun atu tur iha governu buka esperiensia. Nunee periudu sira nebe membru sira iha esperiensia ona atu kaer ukun. Argumentu ida ne'e fraku tanba iha ona ema lubuk ida membru Bloku Koligasaun nebe halu parte mos governu AMP. Mesmu ke ho membru governu oituan sei bele mos akomoda ema foun sira iha partidu nia laran atu buka esperiensia. La os hamosu estrutura nebe bot ho ema barak. Lisaun governasaun AMP nia lolos bele hatudu ona dalan mai ita katak Diak liu maksimiza kompetensia (kualidade) ema nia ho minimiza kuantidade (membru governu) atu labele fo todan ba orsamentu estadu, halao kordenasaun diak liu tan, ho monitor rezultadu servisu mos diak liu tan tanba ema oituan deit. Espetativa ita nia hotu atu iha governasaun ida ke kiik, efisienti maibe kompetenti atu governa hodi hatudu rezultadu, laos atu governu atu akomoda ema bara-barak. Se ida ne'e mak sai prinsipiu governasaun tinan lima mai maka konkluzaun nebe ita hola katak koligasaun ne'e so hamosu deit inefisiensia permanenti iha governasaun. Input sira nebe publiku fo ne'e pertinenti iha faze formasaun governu atu koligasaun bele tetu bainhira halu desizaun final konaba estrutura ho membru governu nebe mai. Tanba lia anin nebe namkari fo indikasaun katak governu nebe Bloku Koligasaun sei forma bot ho keta la atende ba iha prioridade nasional tuir nesesidade nasaun nia. Ita hein tanba povu fo fiar ba Koligasaun atu ukun tinan lima mai.

Partidu Foun ho Partidu Kiik Timor-Leste

Partidu barak mosu tanba hanesan imi balu temi ona katak ita nia Konstituisaun fo dalan ba sistema multi-partidarismu ka sistema proporsional (Artigo 65.4). Neduni enfase ka penekanan ba representasaun duke se mak manan foti tomak (winners take all). Tanba ne'e mak iha konversaun votu ba kadeira tuir persentagem nebe partidu ida hetan. Batasan ne'e mak threshold deit (3% ka bele bot liu tan ka kiik liu). Nunee bele hamenus partidu iha Parlamentu Nasional SE threshold ne'e sae tan. TL ho threshold 3%, maka tuir Eleisaun 2007 partidu lima ho koligasaun ASDT/PSD ho AD mak tama PN. Partidu sira seluk la tama hotu. Se la iha threshold 3% maka iha tan partidu rua (PNT ho PDRT) maka tama PN. 

Threshold 3% ne'e determina hosi lei eleitoral. Agora atu partidu ida sai legal, kondisaun ka persyaratan ne'e saida? Presiza halibur 1,500 asinatura nebe legalize hosi notariadu ho tribunal fo desizaun ikus konaba legalidade partidu nia. Ida ne'e mak hamosu Partidu barak ne'e. Hau sinti la susar halibur numeru Ida ne'e. 

Agora iha TL iha Partidu 22. Oin sa ba oin? Lei Eleitoral foin mak promulgate hosi Presidenti Republikanu ho la iha alterasaun signifikante. Katak threshold 3% nafatin. Lei Partidu politiku la muda. Katak 1500 asinatura ne'e sei vale nafatin. Tanba ne'e Presidenti Republika lalika hakfodak ho Partidu bara-barak mak mosu. 

Konsituisaun fo dalan, lei la iha alterasaun, ho foin mak nia promulga tan. Tanba sa mak nia hateten katak Partidu foun sira halimar ho demokrasia? Ida ne'e deit sala ona. 

Lolos ne'e Eleisaun hotu ho hotu halu kedas evaluasaun konaba lei eleitoral ho lei partidu politiku para hodi halu antes kedas. La os atu tama ona ba eleisaun mak hakfodak hare Partidu barak ho atrapaila ho subsidiu. Partidu Aileba iha Direitu hetan subsidiu tanba nia legal. Nunee mos partidu seluk nebe registu legalmente iha Tribunal Rekursu. 

Agora ita koalia konaba subsidiu. Iha audiensia publika ida konaba subvensaun ka subsidiu Estadu ba Partidu politiku sira depois de Eleisaun 2007, hau defende katak so Partidu iha Parlamentu Nasional maka hetan subsidiu governu tanba sira tenki partisipa iha Komisaun ho halao servisu sira seluk iha PN. Partidu sira la tama Parlamentu la hetan subsidiu. Maibe iha Eleisaun Partidu hotu tenki hetan subsidiu hanesan. Tanba sa? Eleisaun 2012 ka Eleisaun sira tuir mai la garante katak partidu sira bot iha eleisuan 2007 ne'e sei bot nafatin ka Partidu kiik sira ne'e sei kiik nafatin. Se mak bele dehan katak iha 2012, FRETILIN sei hetan 29% nafatin, ka CNRT 24% ka PR 1.1%. La iha figurative sira ne'e bele muda. Se mak garante katak Partidu Aileba sei hetan deit votu 0.0001%? La iha inklui mos Presidenti da Republika. Tanba ne'e tama ba Eleisaun 2012, Partidu hotu-hotu hanesan ho hetan subsidiu mos hanesan. 

Ikus Parlamantu desidi katak so Partidu sira iha Parlamentu Nasional mak hetan subvensaun Estadu. Desde 2008 Partidu sira iha PN hetan subsidiu tinan-tinan. Ida ne'e fair duni tuir resultadu 2007. Iha 2010, FRETILIN hetan $900 mil resin, CNRT $800 mil resin, PD $300 mil resin etc hosi orsamentu $3 million aloka iha tinan 2010 deit. Tinan sira uluk hetan tiha ona, numeru hira imi be cek iha CNE. . 

Maibe PN haluha tiha deisid iha tempu neba katak tama Eleisaun tuir mai partidu hotu tenki iha direitu hanesan. La hanesan ne'e mak sira hetan tiha ona tinatinan desde 2008. Tama ba Eleisaun foun tenki hanesan hotu.... 

Tanba sa mak Partidu mosu bebeik deit? Alem de razaun legal nebe remi ona iha leten, razaun seluk mak iha deskontentamentu ba Partidu sira nebe ukun tiha ona ho agora ukun dadaun. FRETILIN ukun tiha ona, povu hatene ona. AMP (CNRT, ASDT/PSD, PD, UNDERTIM) agora ukun dadaun povu mos akompaina dadaun. Tanba sa mak la hili deit ona Partidu sira ne'e mas halu fali Partidu seluk? Tanba saida imi bele analiza rasik....

Partidu foun sira diak ka lae? Sempre diak tanba sira hare tiha ona uluk Ida ukun, agora Ida seluk ukun tan maibe seidauk fo resposta optimal ba dezafiu nasaun nia. Tanba ne'e presiza iha alternativu seluk tan. Povu merese iha opsau ne'e hotu.

Se Partidu foun la diak ka halimar ho demokrasia maka la iha alternative diak tan ba alternative sira nebe agora iha. Iha Amerika, Partidu Republikanu mosu 75 anos depois de Amerika independenti. Partidu Demokratiku identifika aan hanesan Partidu deklarador ho fundador nasaun Amerika. Maibe ho programa nebe diak ho tan kualidade lideransa diak, Partidu Republikanu konsege sai Partidu bot (salah satu dari dua partai besar) iha Amerika. Desde 1945, se hau la sala Republikanu sira ukun tinan barak liu duke Demokratiku sira. Obrigadu ba imi nia atensaun. JMS. Fundador ho Presidenti Partidu Republikanu TL. 

The Role of Small Parties

President Jose Ramos Horta was hammering at small parties by saying that parties like Aileba and Mausoko clearly want subsidy of the government. While these remarks have some merits, it overlooks the essence of multiparty democracy that is defined by the Constitution. You cannot accuse a political party established solely to get subsidy from the government. People may be frustrated by the existing political parties because these parties no longer represent people's aspirations. Therefore, they decided to form new political parties aiming at achieving dreams and aspirations.

In addition, political party law only requires 1500 valid signatures to register a party. So it should come to no surprise to Mr Jose Ramos Horta that parties will continue to register until the election day because the door is wide open and the requirements are relatively easy.

In other countries, state can limit the number of political parties through two ways. First, raise requirements to register new parties, such as the law requires 5,000 signatures instead of only 1,500, new party must have branches in half of districts, and new party must have complete structure. Second, electoral threshold is raised to 5% or more. This second factor is tricky because many votes could be wasted in a system where there are many political parties.

So it is not the political parties that create problems but the system that has allowed many political parties. Criticing new and small political parties let alone attacking them just show insensitiveness to the situation.

Discurso de Tomada de Posse do XIX Governo Constituicional de Portugal

President Anibal Cavaco Silva of Portugal guided his country from a third world European periphery to a modern state well integrated into Europe and the world during his two terms as Portuguese Prime Minister. Today with his vision, his intellectual capacity grounded on technical competence, and sensibility to political, economic and social actors, Cavaco Silva is trying to guide his country from crisis with the newly formed government of Portugal. Cavaco Silva just trounced his political detractors by winning an outright majority in the first round of Portugal's Presidential Electins early this year to begin his second popular Presidential mandate. He holds a PhD in Ecnomics with specialty in Public Finance from York University in England. Good luck with this reading....


Tomada de posse
Discurso na íntegra de Cavaco Silva
21.06.2011 - 15:10
Votar  |  0 votos 16 de 31 notícias em Política« anteriorseguinte »
O XIX Governo Constitucional, que hoje toma posse, foi formado tendo em conta os resultados das eleições legislativas do passado dia 5 e, nos termos do acordo de coligação entre o Partido Social Democrata e o CDS-Partido Popular, dispõe de apoio maioritário na Assembleia da República.

Tal como afirmei ao intervir nas Comemorações do 25 de Abril, o apoio parlamentar maioritário afigura-se essencial na actual conjuntura, de modo a que o novo Executivo enfrente de imediato e com determinação os grandes desafios que lhe são colocados no plano económico e social, e dê cumprimento aos compromissos assumidos no plano internacional.

A tomada de posse de um Executivo com apoio maioritário permite reunir as condições de governabilidade necessárias para um tempo que vai exigir grandes sacrifícios dos cidadãos e um enorme sentido de responsabilidade patriótica por parte de todos os agentes políticos e também dos agentes económicos e sociais.

Competirá ao novo Executivo, e aos dirigentes dos dois partidos que o integram, assegurar que a coligação governativa tenha solidez, consistência e durabilidade.

Portugal não está em condições de viver crises políticas sucessivas. Como deixei bem claro na comunicação ao País que efectuei na véspera das eleições, os portugueses iriam escolher um Governo para um horizonte temporal de quatro anos, o período da legislatura.

Ao apoio parlamentar maioritário, de que este Governo dispõe, acresce a cooperação activa do Presidente da República. Tal como sucedeu com os anteriores Executivos, a quem nunca faltei com a minha palavra e com a minha lealdade, pode o novo Governo contar com a cooperação do Presidente da República ao serviço do superior interesse nacional.

Ao primeiro-ministro cessante, que presidiu ao Governo de Portugal durante seis anos, bem como aos membros dos seus governos, expresso público reconhecimento pelos serviços prestados e desejo os maiores sucessos pessoais e profissionais.

Senhor primeiro-ministro,

Senhoras e senhores ministros,

No ciclo político que agora se inicia é fundamental que o Governo tenha presente que o facto de dispor de maioria no Parlamento não deve afastá-lo da busca de compromissos alargados a outras forças políticas.

Perante a gravidade da situação, perante a dimensão dos sacrifícios que vão ser pedidos aos portugueses – possivelmente, os maiores sacrifícios desde que foi instaurada a democracia –, o novo Executivo tem de saber dialogar e obter consensos partidários que vão para além da maioria que o sustenta.

Da oposição espera-se uma atitude construtiva e responsável, para que nesta hora decisiva, em que todos estão comprometidos com o futuro do país, o interesse nacional seja colocado acima dos interesses partidários.

É fundamental, por outro lado, que à procura de consenso com as outras forças políticas se associe o diálogo e a concertação com os agentes económicos e sociais.

A actual crise não reclama apenas sentido de responsabilidade da classe política. Também a responsabilidade de empregadores e trabalhadores irá ser posta à prova perante os portugueses, na certeza de que a situação actual não se compadece com divisões e conflitos.

Ninguém pode ter a pretensão de julgar que está acima da grave situação económica do país, que as adversidades irão passar-lhe ao lado, deixando incólume o seu estatuto, quando milhares à sua volta sofrem privações e se debatem com o flagelo do desemprego ou do emprego precário.

Numa altura de grande exigência, é menor a tolerância dos cidadãos para com desigualdades e privilégios sem sentido.

A justiça na repartição dos sacrifícios tem de ser uma marca da governação que agora se inicia.

Há também que adoptar uma atitude firme no combate à corrupção e às situações de promiscuidade entre interesses privados e o interesse público.

À legitimidade para reclamar sacrifícios tem de corresponder uma cultura do exemplo, assente em valores éticos e princípios de serviço público.

O desempenho de funções públicas e a selecção dos altos responsáveis da administração têm de ser pautados exclusivamente por critérios de competência e de mérito. As eleições servem para devolver a escolha ao povo, não para promover o rotativismo das clientelas.É igualmente essencial que neste ciclo político se instaure uma relação renovada entre o poder e os cidadãos. Uma relação que seja de maior proximidade e respeito e, ao mesmo tempo, de maior independência recíproca.

A sociedade civil, as empresas, os cidadãos em geral têm de se libertar de uma histórica dependência face ao Estado e este, por seu turno, tem de abandonar a tentação de dominar actividades privadas ou de sobre elas exercer uma tutela paternalista ao serviço de interesses particulares.

O Estado tem de estar mais próximo daqueles que verdadeiramente precisam, não daqueles que dispõem de canais privilegiados de acesso aos decisores políticos.

Estes são princípios fundamentais para a governação de legislatura que agora começa, e tão mais relevantes quanto o quadro económico e social em que Portugal se situa é extremamente difícil.

Nos últimos anos, a economia portuguesa apresentou um crescimento económico débil, que nos afastou da média europeia.

Ao mesmo tempo, verificou-se um aumento excessivo do peso do Estado, um desequilíbrio acentuado das contas públicas, uma perda significativa da competitividade do nosso tecido empresarial e um agravamento substancial dos níveis de endividamento doméstico e externo.

Desde meados de 2010 que o Estado e o sistema bancário enfrentam sérias dificuldades de financiamento, que levaram também a um agravamento das condições de acesso ao crédito por parte das empresas e dos cidadãos.

O investimento caiu para níveis inferiores aos verificados há quinze anos e o desemprego tem vindo a aumentar de forma acentuada e persistente, atingindo hoje níveis alarmantes.

Nos últimos meses, a economia portuguesa voltou a apresentar sinais de forte recessão, não acompanhando a recuperação da economia mundial.

Em suma, Portugal vive uma situação de emergência, caracterizada por enormes dificuldades económicas, financeiras e sociais.

Esta situação tornou inevitável o recurso à ajuda externa e o cumprimento de um exigente programa de austeridade e de reformas, no sentido de satisfazer as necessidades imediatas de financiamento da economia portuguesa.

É neste quadro que o XIX Governo Constitucional toma posse e inicia funções. Compete-lhe, em primeira linha, assegurar o cumprimento rigoroso do programa de assistência financeira acordado com a União Europeia e o Fundo Monetário Internacional.

Trata-se de um programa delineado para três anos, que contém um vasto e muito exigente conjunto de compromissos, objectivos e metas, envolvendo a correcção de desequilíbrios internos e externos, o reforço da estabilidade do sistema bancário e reformas de natureza estrutural, abrangendo diversos sectores do Estado e da sociedade.

O programa de ajustamento é especialmente rigoroso e detalhado no que respeita aos objectivos de natureza orçamental. Portugal necessita de reduzir o seu défice público de 9,1 por cento do produto em 2010 para 5,9 por cento já este ano e para 3 por cento em 2013, de forma a iniciar então uma trajectória sustentada de redução da dívida pública.

Os compromissos internacionais assumidos por Portugal constituem, sem dúvida, um caderno de encargos de grande responsabilidade, tanto mais que os prazos definidos para a concretização das várias medidas são extremamente apertados e o cumprimento das diversas metas estará sujeito a um escrutínio atento, quer pelas instituições internacionais, quer por parte dos mercados.

O Governo só poderá ter sucesso se agir com determinação e sentido de urgência, sem deixar, todavia, de proceder à análise ponderada dos problemas e de promover a transparência e o rigor na decisão e na aplicação das políticas públicas.Neste contexto, é essencial que fique claro para os agentes políticos e sociais e para todos os portugueses que o cumprimento deste programa, tendo custos e exigindo muitos sacrifícios, constitui uma solução que se tornou inevitável.

Estou firmemente convicto de que o cumprimento escrupuloso do programa de ajustamento é o caminho que melhor serve o interesse nacional nos próximos anos, embora não seja um caminho isento de riscos, sobretudo de natureza externa.

Na verdade, se Portugal falhar o cumprimento de aspectos essenciais deste acordo poderá ficar sujeito a restrições de financiamento ainda mais graves do que as actuais. Daí iriam decorrer consequências dramáticas para o funcionamento do sistema económico e financeiro, limitando-se durante vários anos as perspectivas de crescimento do País e de criação de emprego.

Senhor primeiro-ministro,

Senhoras e senhores ministros,

Importa ter presente que as tarefas deste Governo não se esgotam no mero cumprimento do acordo com as instituições internacionais.

Assim, uma das funções primordiais do XIX Governo Constitucional consiste em atenuar os elevados custos sociais das medidas que terão de ser tomadas. Considero ser prioritário garantir uma repartição equilibrada dos sacrifícios e uma utilização muito criteriosa dos recursos públicos, com vista a ajudar os cidadãos efectivamente mais carenciados.

A condição-chave para o sucesso reside na redução significativa do desequilíbrio externo, a par da consolidação das finanças públicas, e na capacidade dos agentes nacionais, em particular o Estado e os bancos, para acederem aos mercados financeiros em condições de normalidade.

Torna-se assim fundamental reconquistar a confiança dos mercados e dos investidores internacionais e criar condições para colocar Portugal numa trajectória de crescimento sustentado no médio e longo prazo.

As políticas públicas na área económica devem ser avaliadas em função do seu contributo para o aumento da competitividade externa. Este é, sem dúvida, o objectivo mais decisivo, mas igualmente o mais desafiante.

Tudo o que puder contribuir para a redução do défice externo, quer pela diminuição da nossa dependência face a bens importados quer pelo aumento sustentado das nossas quotas exportadoras, tem de ser valorizado em função daquele objectivo.

O futuro depende igualmente da criação de condições favoráveis ao desenvolvimento da iniciativa privada, à inovação, ao empreendedorismo e à motivação dos jovens para a actividade empresarial e para a aquisição de qualificações e competências.

Não é fácil modernizar e renovar, em pouco tempo, o tecido empresarial do País e orientá-lo mais fortemente para a produção de bens e serviços que concorram com a produção externa.

Mas este é um caminho que temos de reforçar com a maior premência. Desde logo, enraizando critérios de competitividade externa no funcionamento das empresas e melhorando o papel da diplomacia económica, mas também privilegiando a aquisição de produtos nacionais e desenvolvendo hábitos de poupança.

Além disso, é essencial reafectar o crédito disponível para as pequenas e médias empresas competitivas, para o sector de bens transaccionáveis e para investimentos de qualidade que incorporem maioritariamente recursos nacionais e que sejam factor de reforço da posição concorrencial das empresas portuguesas.

Temos de apostar seriamente na melhoria do sistema judicial, na qualificação dos recursos humanos e no aproveitamento e valorização das vantagens comparativas e naturais de que Portugal dispõe nos chamados sectores tradicionais e em áreas como o turismo e bem-estar, a agricultura e a floresta.Portugal pode ainda beneficiar, em termos exportadores, do conhecimento, da experiência e dos investimentos acumulados nos últimos anos em muitos ramos de actividade económica, incluindo, por exemplo, sectores de futuro como a saúde e a biotecnologia, as tecnologias de informação e comunicação, as energias renováveis e as indústrias amigas do ambiente.

O impulso vigoroso de uma produção portuguesa de qualidade, competitiva, com procura no mercado interno e externo, será o elemento fulcral para que a economia nacional cresça e possamos resolver o nosso maior problema: o nível desmesurado e insustentável do desequilíbrio externo.

Os portugueses, todos os portugueses, terão de dar o seu contributo individual para a causa colectiva, consumindo produtos nacionais, poupando mais, reduzindo o seu endividamento, trabalhando e produzindo melhor.

Reafirmo o que já disse em várias ocasiões: não podemos continuar a viver acima das nossas possibilidades, a gastar mais do que aquilo que produzimos e a endividar-nos perante o estrangeiro.

Os próximos tempos exigirão muito dos portugueses, mas o sucesso dependerá da forma como soubermos agir. O ajustamento que é pedido a Portugal terá custos elevados no imediato, mas ambiciona colocar o país num rumo de crescimento sustentado e de criação de emprego.

A perseverança e a responsabilidade que o povo português já mostrou ao longo da História serão novamente postas à prova. O tempo é de união e de coragem. Temos de trabalhar sem medo do futuro.

O Governo que inicia funções tem responsabilidades acrescidas, uma vez que os sacrifícios pedidos são enormes, as expectativas geradas são extremamente elevadas e as exigências impostas não têm paralelo na nossa História recente. Não podemos falhar, sob pena de a situação se tornar economicamente irreversível e socialmente insustentável.

Também, por isso, é importante que o povo português seja especialmente atento, numa atitude cívica responsável e exigente.

Será também essa a atitude do Presidente da República. Manterei, como sempre, uma postura de isenção e imparcialidade no tratamento das diversas forças políticas, cooperando lealmente com o Governo, empenhado em contribuir para a resolução dos problemas com que o País se confronta.

Senhor primeiro-ministro,

Senhoras e senhores ministros,

Para enfrentar a actual situação do País, dispõe o Governo da força de um resultado eleitoral inequívoco, de uma maioria no Parlamento e da cooperação do Presidente da República.

Não há motivos para deixar de fazer o que deve ser feito, a começar pelo cumprimento dos compromissos que assumimos perante as instituições internacionais. Os custos de um falhanço seriam absolutamente catastróficos e durariam por muitos e muitos anos, hipotecando drasticamente o futuro das gerações mais jovens.

Vivemos, pois, um tempo de grandes decisões. A altura é de agir, de actuar com rapidez e de imediato. É isso que os portugueses querem do novo Governo, foi para isso que nele depositaram expressivamente a sua confiança.

O momento é de muito trabalho, de acção ponderada, de diálogo político e social.

O presente exige o melhor de nós, seja do Governo que hoje toma posse, seja do Parlamento renovado, seja de todos os cidadãos.

Ninguém está imune à crise. Cada um de nós será chamado a dar o seu contributo para vencermos as adversidades do presente.

Cada português tem uma quota de responsabilidade no futuro do seu país.

Estamos juntos neste desígnio comum que partilhamos há vários séculos.

É com orgulho que queremos continuar Portugal. Para isso, temos todos de começar já hoje a trabalhar em conjunto.Em nome de Portugal, desejo ao novo Governo os maiores sucessos.

Obrigado.